Lajmet e fundit:17.05.2008

SHBA investoi 8 milionë dollarë për drejtësinë kosovare

Këshilli Gjyqësor i Kosovës (KGJK) dhe USAID nënshkruan të shtunën një marrëveshje mirëkuptimi, e cila ka për qëllim krijimin e një sistemi të pavarur të drejtësisë, shtimin e besimit të qytetarëve në gjyqësorin e Kosovës, përmirësimin e shkallës së zbatimit të vendimeve gjyqësore, etj.

SHBA hapi dyert për studentët kosovarë nëpërmes programit “Fulbright”

Ambasada e Shteteve të Bashkuara të Amerikës në Prishtinë dhe Ministria e Arsimit, Shkencës dhe Teknologjisë, lansuan të shtunën në Prishtinë, bursën e programit “Fulbright” për studentët kosovarë, duke bërë që për herë të parë shteti i Kosovës të nënshkruajë një marrëveshje bashkëpunimi me SHBA-në, pas shpalljes së pavarësisë më 17 shkurt.

Kompania “Timi-Eco” do të riciklojë mbeturinat e plastikës

Kompania kosovare-sllovene “Timi-Eco” është zotuar të shtunën në Malishevë, se do të bëjë grumbullimin dhe riciklimin e mbeturinave të plastikës dhe mbeturinave të karburanteve.

MMPH ua ka lënë “në përkujdesje” lumenjtë e Pejës eksploatuesve të zhavorrit

Shkatërrimi i shtretërve të Lumëbardhit dhe Drinit të Bardhë nga eksploatuesit e zhavorrit, ka marrë përmasa alarmante vitin e kaluar dhe ky shkatërrim po shtohet vazhdimisht edhe këtë vit, pasi askush nuk po e parandalon këtë krim që po i bëhet lumenjve për përfitime personale.

(Burimi i Lajmeve:Kosovalive.com)

Lajmet e fundit nga Teknologjia:

CBS blen CNET-in për 1.8 miliardë dollarë

Gjiganti medial CBS ka blerë kompaninë e internetit CNET Networks për 1.8 miliardë dollarë në para të thata, me çmim prej 11.50 dollarësh për aksion.
CNET Networks, kompani pronare e disa faqeve jashtëzakonisht të famshme dhe domeneve me vlerë siç janë CNET, ZDNet, GameSpot.com, TV.com, CNET News, UrbanBaby, BNET, CHOW dhe Search.com, qe një kohë është në telashe.

Çmimi i aksioneve të tyre veç një kohë të gjatë po bie, derisa me vite nuk ka arritur të kalojë vlerën prej 10 dollarësh, kështu që oferta e CBS-it ofron premi të vlefshme për vlerën aktuale të aksioneve. Andaj, është e qartë pse këshilli drejtues dhe aksionarët e mëdhenj nuk kanë ngurruar shumë për pranimin e ofertës së CBS-it.

Me këtë hap CBS automatikisht është bërë një nga 10 firmat më të mëdha të internetit në SHBA. CNET Networks ka rreth 56 milionë vizitorë brenda muajit vetëm në SHBA dhe 200 milionë tjerë në mbarë botën. www.cbs.com
www.cnet.com

Reklamat afër videove të popullarizuara të YouTube

Kur e pat blerë Google shërbimin për video materiale, YouTube, të gjithë jemi pyetur kur do t’ia nisë të mbulojë faqen me reklama dhe prej saj të nxjerrë profit sa më të madh. Prej sot e tutje nuk kemi nevojë të pyesim më. Google ka deklaruar se ka një program të ri për lidhjen e reklamave me videot e popullarizuara në YouTube. Softueri i veçantë parasheh popullaritetin e videos sipas numrit të shikuesve, vlerësimeve dhe ruajtjes së tyre në Favorites. Ky lloj i reklamimit quhet buzz marketing.Në muajin mars të këtij viti pothuajse 85 milionë njerëz kanë shikuar 4.3 miliardë video në YouTube, ka thënë agjencia për hulumtime ComScore. Klienti i parë i cili e ka përdorur buzz marketing është Lions Gate Entertainment. LGE ka vendosur të promovojë filmin e vet të ri "The Forbidden Kingdom", i cili ka dalë në shitje këtë muaj.